Um Ankh

Ankh ehf. er sjálfstætt ráðgjafarfyrirtæki Jóhanns Sveins Sigurleifssonar.

Áherslan er á stefnumótandi ráðgjöf, stjórnarhætti, flókna samninga og mál þar sem mikilvægt er að samræma stefnu, hvata, ábyrgð og framkvæmd.

Jóhann hefur yfir 15 ára reynslu á sviði fjarskipta, upplýsingatækni, innviða, samninga, stefnumótunar og stjórnarhátta.

Hann starfaði í 13 ár hjá Ljósleiðaranum og vann þar náið með framkvæmdastjóra og stjórnendateymi að stefnumótun, samningum, markaðsþróun, innviðaverkefnum og undirbúningi mála sem fóru til umfjöllunar og ákvörðunar hjá stjórn.

Auk þess hefur hann unnið sem ráðgjafi og þekkir því vel bæði innra sjónarhorn fyrirtækja og það sem þarf til að veita skýra, framkvæmanlega og trausta ráðgjöf.

Reynslan er þverfagleg og spannar verkefni á ólíkum mörkuðum og sviðum, þar sem viðskipti, tækni, lagaumgjörð og stjórnarhættir þurfa að vinna saman.

Menntun og viðurkenningar

Jóhann er með Executive MBA gráðu og hefur einnig lokið námi í viðskiptalögfræði. Hann hefur auk þess sótt sér sérhæfða stjórnarmennsku- þjálfun og viðurkenningar sem styðja við störf á vettvangi stjórna.

Hluti af EMBA náminu var unninn í samstarfi við alþjóðlega viðurkennda skóla, þar á meðal Yale og IESE Business School í Barcelona.

Nálgunin einkennist af skýrleika, yfirvegun og traustri faglegri umgjörð. Markmiðið er að bæta gæði ákvarðana, draga úr óvissu og styðja við langtímaverðmætasköpun.